Аб удзеле Пасла Беларусі В.Брылёва ў цырымоніі памяці ахвяр Другой сусветнай вайны
21.10.2022 г.21 кастрычніка 2022 года Пасол Беларусі ў Сербіі Валерый Брылёў і супрацоўнікі Пасольства наведалі г.Крагуевац, дзе прынялі ўдзел у жалобным мерапрыемстве каля Мемарыяла памяці аб школьніках і настаўніках, расстраляных фашыстамі ў гады Другой сусветнай вайны.
У рамках мерапрыемства прайшоў малебен, адбыўся тэатралізаваны паказ.
Вянкі да манумента ўсклалі Прэм'ер-міністр Сербіі А.Брнабіч, члены сербскага ўрада, кіраўнікі Шумадыйскай акругі і г.Крагуевац, ваенныя, ветэраны і паслы шэрага замежных краін.
Адбыліся кароткія гутаркі Пасла В.Брылёва з Прэм'ер-міністрам А.Брнабіч, былым Прэзідэнтам Сербіі, Старшынёй Нацыянальнага савета па супрацоўніцтве з Расіяй і Кітаем Т.Ніколічам і мэрам горада Крагуевац М.Дашычам.
Пасол абмеркаваў з Ганаровым консулам Беларусі ў г.Крагуевац З.Вуловічам перспектывы павелічэння экспарту беларускай прадукцыі ў Сербію.
