Аб удзеле Пасла Беларусі В.Брылёва ў памятным мерапрыемстве, прысвечаным 77-й гадавіне прарыву Срэмскага фронту
12.04.2022 г.12 красавіка 2021 года Надзвычайны і Паўнамоцны Пасол Беларусі ў Сербіі Валерый Брылёў і Аташэ па пытаннях абароны пры Пасольстве Іван Беразоўскі прынялі ўдзел ва ўрачыстай цырымоніі, прысвечанай 77-й гадавіне прарыву Срэмскага фронту.
Кветкі ад імя Пасольства былі ўскладзены да мемарыяла ў гонар савецкіх, югаслаўскіх і іншых воінаў, якія загінулі на Срэмскім фронце восенню 1944 — вясной 1945 года.
У памятным мерапрыемстве прынялі таксама ўдзел Міністр працы, сацыяльнай абароны і па справах ветэранаў Сербіі Д.Кісіч Тэпаўчэвіч, старшыня скупшчыны абшчыны Шыд, прадстаўнікі Урада аўтаномнага краю Ваяводзіна, Арміі Сербіі, дыпламатычнага корпуса, ветэранскіх, маладзёжных і іншых грамадскіх арганізацый.
У рамках мерапрыемства Паслом была праведзена размова з Міністрам працы, сацыяльнай абароны і па справах ветэранаў Сербіі.
У гэты ж дзень дыпламаты Пасольства ўшанавалі памяць і правялі работы па добраўпарадкаванні магілы Героя Савецкага Саюза капітана Чырвонай Арміі Уладзіміра Гушчы, ураджэнца горада Бабруйска, які загінуў на Срэмскім фронце і пахаваны на сербскіх праваслаўных могілках у горадзе Срэмска Мітравіца.