Аб удзеле ў памятных мерапрыемствах з нагоды вызвалення г.Срэмска-Мітравіца
04.11.2024 г.1 лістапада 2024 г. Надзвычайны і Паўнамоцны Пасол Рэспублікі Беларусь у Сербіі Сяргей Маліноўскі прыняў удзел у памятных мерапрыемствах, прысвечаных 80-й гадавіне вызвалення г.Срэмска-Мітравіца ад нямецка-фашысцкіх захопнікаў і 106-годдзю вызвалення горада падчас Першай сусветнай вайны.
Вянкі былі ўскладзены да манумента на Мемарыяльных могілках г.Срэмска-Мітравіца і каля манумента героям і ахвярам Першай сусветнай вайны. Пасол таксама ўсклаў кветкі ля пахаванняў воіна-чырвонаармейца, ураджэнца горада Бабруйска В.Гушчы і савецкіх лётчыкаў на сербскіх праваслаўных могілках у г.Срэмска-Мітравіца.
Памяць воінаў, якія загінулі за вызваленне горада, ушанавалі Міністр працы, занятасці, ветэранаў і сацыяльных спраў М.Старовіч, намеснік мэра г.Срэмска-Мітравіца Д.Недзіч, намеснік старшыні Скупшчыны г.Срэмска-Мітравіца С.Вучыч, прадстаўнікі Узброеных сіл Сербіі, пасольстваў Расіі і Балгарыі, шматлікіх ветэранскіх арганізацый, грамадскасці.
Фота Д.Апачыч
