:

Гандлёва-эканамічнае супрацоўніцтва Беларусi з Сербіяй

Сербія з'яўляецца ключавым партнёрам Беларусі на Балканах і адзінай краінай у Еўропе, з якой дзейнічае дагавор аб свабодным гандлі і бязвізавы рэжым. З 10 ліпеня 2021 года дзейнічае пагадненне аб зоне свабоднага гандлю Сербіі з краінамі — членамі Еўразійскага эканамічнага саюза (падпісана 25 кастрычніка 2019 года).

Агульны аб’ём у двухбаковым гандлі таварамі і паслугамі у 2021 годзе дасягнуў 193,8 млн. долараў ЗША (111,7% да паказчыкаў 2020 года).

Экспарт беларускiх тавараў і паслуг склаў 132,3 млн. долараў (134,0%), импарт тавараў і паслуг iз Сербii – 61,5 млн. долараў (82,2%). Сальда ў агульным гандлi – станоўчае плюс 70,8 млн. долараў.

Двухбаковы тавараабарот у 2021 годзе павялічыўся да 179,6 млн. долараў (162,2%), беларускі экспарт тавараў – да 123,8 млн. долараў (234,4%), імпарт з Сербіі склаў 55,8 млн. долараў (96,3%). Сальда станоўчае –  плюс 68,0 млн. долараў.

У 2021 годзе Сербія заняла 28-ю пазіцыю па аб'ёмах беларускага экспарту і 39-е месца сярод краін-імпарцёраў.

З Беларусі ў Сербію ў 2021 годзе экспартаваліся тавары па 247 таварных пазіцыях. Істотна павялічаны пастаўкі тавараў прамысловай (135,1% да ўзроўню 2020 года) і нафтаперапрацоўчай (216,9%) галін. Забяспечаны рост экспарту прадукцыі прадпрыемстваў аграпрамысловага комплексу (140,6%), у наменклатуру паставак уключаны 12 новых таварных пазіцый.

У Сербіі працуюць кар'ерныя самазвалы «БелАЗ», аўтобусы і тралейбусы «МАЗ», пажарная тэхніка на базе шасі «МАЗ», трактара «Беларус», камбайны «Гомсельмаш», іншая сельскагаспадарчая тэхніка.
Адкрыты зборачныя вытворчасці беларускіх трактароў і аўтобусаў (“Belarus-Agropanonka” і “Vulovic transport”). У рамках дылерскіх пагадненняў рэалізуецца прадукцыя беларускіх прадпрыемстваў МТЗ, МАЗ, Гомсельмаш, Магілёўхімвалакно, БКК, БМЗ, Нафтан, Белшына.

З 21 кастрычніка 2020 года дазволены экспарт у Сербію прадукцыі з малака і мяса птушкі шэрагу беларускіх прадпрыемстваў.

У мэтах актывізацыі двухбаковага гандлю ініцыявана стварэнне ў двух сталіцах экспартных цэнтраў для забеспячэння фінансавага суправаджэння здзелак і экспартных кантрактаў. Пры ўдзеле групы кампаній " БК Груп" у г.Мінску зарэгістравана ТАА «Раунд Бай», у г.Белграде – “Construction & Trade Company”.

Асноўная доля паслуг у 2019-2020 гадах прыйшлася на ўдзел беларускіх спецыялістаў ва ўзвядзенні часткі газаправода «Турэцкі паток» на ўчастку Балгарыя-Сербія-Венгрыя. Філіял беларускай кампаніі ААТ «Белтрубаправодбуд» забяспечыў ўзвядзенне 10 пераходаў для камунікацый пад воднымі аб'ектамі на тэрыторыі Сербіі, уключаючы пракладку 1409-метровай часткі трубаправода пад Дунаем унікальным метадам Direct Pipe®.

Перспектыўныя напрамкі супрацоўніцтва — вытворчая кааперацыя, харчовая прамысловасць, сельская гаспадарка, будаўніцтва, фармацэўтыка, крэдытна-фінансавая і банкаўская сфера.

На штогадовай аснове праводзяцца пасяджэнні Міжурадавай камісіі па гандлёва-эканамічным супрацоўніцтве, Дзелавога савета і кантактна-кааперацыйнай біржы, Сумеснай Беларуска-Сербскай камісіі па навукова-тэхнічным супрацоўніцтве і Беларуска-Сербскай рабочай групы па супрацоўніцтве ў галіне сельскай гаспадаркі і харчавання. Беларускім бокам ініцыявана стварэнне Беларуска-Сербскай рабочай групы па супрацоўніцтве ў галіне турызму.

 

Дыпмісіі Беларусі за мяжой

Усе дыпмісіі Сайт МЗС
Перайсці