Пра візіт у Сербію дырэктара фестывалю «Славянскі базар»
10.02.2026 г.У перыяд з 5 па 7 лютага 2025 г. з рабочым візітам г.Бялград наведала дэлегацыя Дырэкцыі Міжнароднага фестывалю мастацтваў «Славянскі базар у Віцебску» на чале з дырэктарам Глебам Лапіцкім.
Візіт быў арганізаваны пры падтрымцы Пасольства Беларусі ў Сербіі ва ўзаемадзеянні з сербскімі партнёрамі для прэзентацыі фестывалю «Славянскі базар у Віцебску» і актывізацыі двухбаковага культурнага супрацоўніцтва.
Беларуская дэлегацыя з удзелам Г.Лапіцкага і Пасла Беларусі Сяргея Маліноўскага была прынята ў Міністэрстве культуры Рэспублікі Сербія, дзе праведзены перагаворы з Міністрам Мікалаем Селаковічам і Дзяржаўным сакратаром Дзеянам Анцічам, у Народнай скупшчыне Рэспублікі Сербія, дзе адбылася сустрэча з віцэ-спікерам Дуняй Сімановіч Браціч і групай дэпутатаў, якія з'яўляюцца членамі Камітэта па культуры і інфармацыі сербскага парламента і Групы парламенцкага сяброўства з Беларуссю.
Г.Лапіцкім, які з'яўляецца членам Савета Рэспублікі Нацыянальнага сходу Рэспублікі Беларусь, быў працягнуты міжпарламенцкі дыялог з сербскімі калегамі.У сценах Парламента беларуская дэлегацыя азнаёмілася з фотавыставай, прысвечанай трагедыі ахвяр канцлагера «Ясёнавац» падчас Другой сусветнай вайны.
У ходзе знаходжання дэлегацыі ў г.Бялградзе таксама былі праведзены перагаворы з дырэктарам Ансамбля народных танцаў і песень Сербіі Кола Здраўко Ранісаўлевічам.
У фокусе праведзеных сустрэч і перамоў знаходзіліся пытанні ўдзелу сербскіх прадстаўнікоў у юбілейным XXXV фестывалі «Славянскі базар у Віцебску», які мае адбыцца ў 2026 годзе,развіцця ўзаемадзеяння паміж беларускімі і сербскімі творчымі калектывамі, супрацоўніцтва ў сферах выставачнай дзейнасці, кінематаграфіі, кнігавыдання.
