Аб візіце Пасла С.Маліноўскага ў горад Смедарава
26.12.2024 г.24 снежня 2024 г. адбыўся візіт Пасла Беларусі ў Сербіі Сяргея Маліноўскага ў Смедарава, падчас якога прайшлі перагаворы з намеснікам мэра горада Уладзімірам Нешычам, была адкрыта фотавыстава «Суверэнная Беларусь».
У час размовы ў мэрыі горада бакамі быў падкрэслены дружалюбны характар беларуска-сербскіх адносін, адзначана важнасць развіцця рэгіянальнага супрацоўніцтва. Абмеркаваны далейшае развіццё пабрацімскіх сувязей Смедарава з беларускім горадам Жодзіна, магчымасці культурнага і эканамічнага ўзаемадзеяння.
На адкрыцці выставы «Суверэнная Беларусь» у Гістарычным архіве г.Смедарава пасол С.Маліноўскі выказаў падзяку ўладам горада і Таварыству сербска-руска-беларускага сяброўства з рэзідэнцыяй у г.Чачак за падтрымку ў арганізацыі экспазіцыі.
Прадстаўленыя на выставе фатаграфіі, падрыхтаваныя беларускім інфармацыйным агенцтвам БелТА, адлюстроўваюць прыродную прыгажосць, культуру і традыцыі, а таксама эканамічныя і сацыяльныя дасягненні, інавацыйны патэнцыял сучаснай Беларусі. Наведаць выставу можна будзе на працягу наступных двух тыдняў.
