Аб візіце Пасла С.Маліноўскага ў муніцыпалітэт Кнiч
12.12.2025 г.10 снежня 2025 г. адбыўся візіт Пасла Беларусі ў Сербіі Сяргея Маліноўскага ў муніцыпалітэт Кнiч. У рамках праграмы візіту прайшлі перамовы з кіраўніком муніцыпалітэта Срэчка Iлiчэм і старшынёй сходу дэпутатаў Святланай Анджэліч, у ходзе якіх была прадстаўлена інфармацыя аб патэнцыяле і магчымасцях сербскага рэгіёну, адзначана важнасць міжрэгіянальнага супрацоўніцтва ў рамках традыцыйна дружалюбных беларуска-сербскіх адносін, абмеркаваны перспектывы ўстанаўлення прамых сувязей з беларускімі партнёрамі, развіцця кантактаў у эканамічнай, турыстычнай і іншых сферах.
У мерапрыемствах візіту таксама прыняло ўдзел кіраўніцтва Таварыства сербска-руска-беларускага сяброўства на чале з Драганам Логвінавым.
З мэтай азнаямлення з турыстычным і эканамічным патэнцыялам рэгіёну было арганізавана наведванне манастыра Каменац і этнагаспадаркі.
