Аб візіце ў Сербію дэлегацыі Брэсцкай абласной клінічнай бальніцы

28 сакавіка 2025 г. у Пасольстве Беларусі ў Сербіі адбылася сустрэча Надзвычайнага і Паўнамоцнага Пасла Рэспублікі Беларусь Сяргея Маліноўскага з дэлегацыяй Брэсцкай абласной клінічнай бальніцы на чале з галоўным урачом Аляксандрам Карпіцкім, абмеркаваны магчымасці і перспектывы развіцця беларуска-сербскага супрацоўніцтва ў медыцынскай сферы.

Візіт дэлегацыі ў г.Бялград быў арганізаваны пры садзейнічанні беларускай дыпмісіі.
У рамках візіту 27 сакавіка дэлегацыя беларускай медыцынскай установы была прынята Міністрам аховы здароўя Рэспублікі Сербія З.Лончаром. У ходзе праведзеных перагавораў аб супрацоўніцтве ў сферы транспланталогіі пацверджана сумесная прыхільнасць умацаванню ўзаемадзеяння, а таксама падкрэслена важнасць абмену вопытам і правядзення сумесных клінічных даследаванняў. Дасягнута дамоўленасць аб навучанні груп сербскіх медыцынскіх работнікаў у Беларусі з мэтай выкарыстання айчыннага вопыту клінічнай практыкі ва ўстановах аховы здароўя Рэспублікі Сербія.

Дэлегацыя Брэсцкай абласной клінічнай бальніцы таксама наведала Універсітэцкі клінічны цэнтр Сербіі, дзе з кіраўніцтвам і ўрачамі сербскай установы аховы здароўя адбыўся абмен думкамі аб перспектыўных напрамках супрацоўніцтва, якія маюць цікавасць для беларускага і сербскага бакоў.

Версія для друку