Аб выставе, прысвечанай Дню Еўразійскага эканамічнага саюза
29.05.2025 г.29 мая 2025 г. Пасол Рэспублікі Беларусь у Рэспубліцы Сербія Сяргей Маліноўскі прыняў удзел у адкрыцці выстаўкі, прысвечанай Дню Еўразійскага эканамічнага саюза (адзначаецца ў гэту дату), якая арганізавана Пасольствам Расійскай Федэрацыі ў Рускім доме ў Бялградзе.
У сваім прывітальным звароце кіраўнік беларускай дыпмісіі падкрэсліў, што Еўразійскі эканамічны саюз, у якім Рэспубліка Беларусь старшынуе ў бягучым годзе, дынамічна развіваецца як адно з найбольш буйных эканамічных аб'яднанняў у свеце. А адным з прыярытэтаў цяперашняга беларускага старшынства ў ЕАЭС з'яўляецца развіццё міжнароднага супрацоўніцтва са знешнімі партнёрамі. У гэтым кантэксце падкрэслена асаблівая важнасць наяўнасці паміж ЕАЭС і Сербіяй зоны свабоднага гандлю, пагадненне аб якой дзейнічае з 2021 года і з'яўляецца адным з важнейшых фактараў для развіцця гандлёва-эканамічнага ўзаемадзеяння.
У мерапрыемстве прынялі ўдзел Пасол Расійскай Федэрацыі А.Боцан-Харчанка, Пасол Рэспублікі Казахстан М.Атамкулаў, кіраўніцтва Рускага дома ў Бялградзе, дыпламаты пасольстваў Беларусі і Расіі, прадстаўнікі сербскіх СМІ і грамадскасці.
