Аб сустрэчы Пасла Беларусі С.Маліноўскага з Прэзідэнтам Сербіі А.Вучычам
08.05.2026 г.8 мая 2026 г. Надзвычайны і Паўнамоцны Пасол Рэспублікі Беларусь Сяргей Маліноўскі быў прыняты Прэзідэнтам Рэспублікі Сербія Аляксандрам Вучычам.
У ходзе змястоўнай гутаркі былі абмеркаваны актуальны стан і перспектывы далейшага развіцця адносін паміж Беларуссю і Сербіяй, у тым ліку ў эканамічнай галіне і на розных напрамках гуманітарнай сферы, закрануты іншыя тэмы, якія маюць узаемны інтарэс.
Пацверджана нацэленасць бакоў на далейшае ўмацаванне беларуска-сербскіх адносін, заснаваных на традыцыйным сяброўстве, гістарычных і духоўных сувязях паміж дзвюма краінамі і брацкімі народамі.
Прэзідэнт Сербіі выказаў упэўненасць, што ўдзел Беларусі ў Міжнароднай спецыялізаванай выставе Экспа-2027 у г.Белградзе дасць магчымасць прадэманстраваць беларускія дасягненні і ўнясе дадатковы ўклад у двухбаковае і шматбаковае супрацоўніцтва.
Кіраўніком сербскай дзяржавы была выказана падзяка Беларусі за прынцыповую падтрымку тэрытарыяльнай цэласнасці і суверэнітэту Сербіі.
Фота: Адміністрацыя Прэзідэнта Сербіі
