Аб візіце ў Сербію А.Румо
17.10.2025 г.У перыяд з 14 па 16 кастрычніка 2025 г. па запрашэнні сербскага боку і пры падтрымцы Пасольства Беларусі ў Сербіі з рабочым візітам г.Бялград наведаў дырэктар ДУ «Мінскі навукова-практычны цэнтр хірургіі, транспланталогіі і гематалогіі» Алег Румо.
Візіт быў арганізаваны ў развіццё раней дасягнутых беларуска-сербскіх дамоўленасцей. У яго рамках адбыліся сустрэчы А.Румо з Міністрам аховы здароўя Рэспублікі Сербія Злаціборам Лончарам,Міністрам без партфеля, адказным за сферу міжнароднага эканамічнага супрацоўніцтва і грамадскае становішча царквы ў краіне і за мяжой Ненадам Паповічам.
Таксама праведзены перагаворы з кіраўніцтвам Рэспубліканскага фонду медыцынскага страхавання, адбылося наведванне Цэнтра экстранай медыцынскай дапамогі Універсітэцкай клінікі Сербіі.
У цэнтры праведзеных сустрэч і перагавораў знаходзіліся пытанні далейшага паглыблення двухбаковага супрацоўніцтва ў сферы транспланталогіі, абмену вопытам у арганізацыі аказання высокатэхналагічнай медыцынскай дапамогі, развіцця ўзаемадзеяння паміж беларускімі і сербскімі клінікамі.
