Аб наведванні пачатковай школы «Доктар Ёван Твіч» у Смедэрэве.
18.04.2026 г.17 красавіка 2026 г. па запытанні школьнага кіраўніцтва Надзвычайны і Паўнамоцны Пасол Рэспублікі Беларусь у Рэспубліцы Сербія Сяргей Маліноўскі наведаў асноўную школу «Доктар Ёван Цвііч» г.Смедэрэва.Наведванне школы прадстаўніком Рэспублікі Беларусь стала працягам практыкі бліжэйшага знаёмства яе вучняў з дружалюбнымі замежнымі краінамі.
Дырэктарка Святлана Міхайлавіч азнаёміла Пасла С.Маліноўскага з работай школы. Для спецыяльна падрыхтаванай імправізаванай выстаўкі, прысвечанай Беларусі, вучнямі быў пашыты флаг Рэспублікі Беларусь і прыгатаваны стравы беларускай нацыянальнай кухні, уключаючы дранікі.
У час размовы з кіраўніцтвам школы і прадстаўніком мэрыі г.Смедэрэва адбыўся абмен інфармацыяй аб беларускай і сербскай сістэмах школьнай адукацыі, іх развіцці ў сучасных умовах, абмеркаваны магчымасці міжнародных кантактаў паміж школамі, у тым ліку ў рамках пабрацімскіх сувязей паміж гарадамі.
Адказваючы на пытанні вучняў школы, Пасол падзяліўся сваім меркаваннем аб асаблівасцях прафесіі дыпламата і дыпламатычнай работы.
Цэнтральным мерапрыемствам стала сустрэча з вучнямі — удзельнікамі школьнага парламента.
У сваім выступленні перад сербскімі школьнікамі Пасол С.Маліноўскі расказаў аб дружалюбных сувязях паміж Сербіяй і Беларуссю, дасягненнях сучаснай Рэспублікі Беларусь у розных сферах, беларускай сістэме адукацыі, наяўных магчымасцях навучання ў вышэйшых навучальных установах Беларусі.
У час знаходжання ў г.Смедэрэва пры непасрэдным удзеле прадстаўнікоў школы Пасол С.Маліноўскі таксама наведаў Краязнаўчы музей і Смедзярэўскую крэпасць, азнаёміўшыся з культурнай і гістарычнай спадчынай горада.
Выказваем сардэчную падзяку дырэктару школы Святлане Міхайлавіч і настаўніку геаграфіі Барысу Здраўковічу, а таксама ўсім вучням асноўнай школы «Доктар Ёван Цвііч» г.Смедэрэва за цёплы прыём.
