Аб удзеле ў памятных мерапрыемствах з нагоды Дня Перамогі
10.05.2024 г. 9 мая 2024 г. Надзвычайны і Паўнамоцны Пасол Рэспублікі Беларусь у Сербіі Сяргей Маліноўскі і калектыў Пасольства сумесна з аташэ па пытаннях абароны Беларусі прынялі ўдзел у памятных мерапрыемствах, прымеркаваных да 79-й гадавіны з дня Перамогі ў Вялікай Айчыннай вайне.
Дзяржаўная цырымонія адбылася ў Мемарыяльным комплексе «Вызваліцелям Бялграда». Беларускія дыпламаты ўсклалі вянкі і кветкі да Манумента вызваліцелям Бялграда, Вечнага агню і Помніку савецкаму салдату, а таксама да магіл савецкіх воінаў — выхадцаў з Беларусі.
Памяць воінаў, якія загінулі за вызваленне Бялграда, таксама ўшанавалі Намеснік Старшыні Урада Сербіі А.Вулін, Міністр культуры Сербіі М.Селакавіч, Міністр працы, занятасці, па справах ветэранаў і сацыяльных пытаннях Сербіі М.Старовіч, Міністр па справах сям'і і дэмаграфіі Сербіі М .Джурджэвіч-Стамянкоўскі, Міністр без партфеля М.Паповіч, старшыня скупшчыны Бялграда М.Нікадзіевіч, прадстаўнікі Узброеных сіл Сербіі, паслы Расіі, Азербайджана і Казахстана, шматлікія прадстаўнікі ветэранскіх і маладзёжных арганізацый, грамадскасці.
У гэты ж дзень Пасол Беларусі і дыпламаты беларускай замежнай установы ўсклалі вянкі да Помніка савецкім ветэранам на гары Авала ў наваколлях г.Бялграда.
Напярэдадні Дня Перамогі, 8 мая пасол С.Маліноўскі на сербскіх праваслаўных могілках у г.Срэмска-Мітравіца ўсклаў кветкі да магіл загінуўшых у баях за Югаславію Г.Курачкіна і В.Гушчы (ураджэнец горада Бабруйска). Памятныя цырымоніі з удзелам беларускага пасла таксама прайшлі ў г.Шыд, населеных пунктах Ердзевік, Стара Бінгула, Лачарак.
