Аб падвядзенні вынікаў студэнцкага конкурсу эсэ
17.12.2024 г.17 снежня 2024 г. у беларускім Пасольстве ў г.Белградзе адбылося падвядзенне вынікаў конкурсу эсэ «Ліст памяці – нашчадкам Перамогі», прысвечанага 80-годдзю вызвалення Беларусі і Сербіі ад фашысцкіх захопнікаў, сумесна арганізаванага Пасольствам Беларусі ў Сербіі, філалагічным факультэтам Беларускага дзяржаўнага ўніверсітэта і філалагічным факультэтам Белградскага ўніверсітэта.
У ходзе сустрэчы з сербскімі студэнтамі — удзельнікамі конкурсу Пасол Рэспублікі Беларусь у Рэспубліцы Сербія Сяргей Маліноўскі адзначыў высокі літаратурны ўзровень конкурсных работ, падзякаваў усім за ўдзел і павіншаваў пераможцаў з сербскага боку, уручыў сімвалічныя прызы, пажадаў далейшых поспехаў у вывучэнні славянскіх моў, перадаў для азнакамлення эсэ, падрыхтаваныя беларускімі студэнтамі.
Пасля цырымоніі ўзнагароджання пасол праінфармаваў студэнтаў аб актуальных падзеях у Рэспубліцы Беларусь, развіцці беларуска-сербскіх адносін, адказаў на пытанні і выказаў надзею на далейшы працяг міжвузаўскіх і студэнцкіх кантактаў.
