Аб правядзенні прыёму з нагоды Дня Незалежнасці Рэспублікі Беларусь
02.07.2021 г.1 ліпеня 2021 года ў будынку Пасольства Беларусі ў Сербіі быў праведзены прыём з нагоды Дня Незалежнасці Рэспублікі Беларусь.
Сярод гасцей былі Міністр па пытаннях развіцця інавацый і тэхналогій Сербіі, сустаршыня Беларуска-сербскай міжурадкамісіі па гандлёва-эканамічным супрацоўніцтве Н.Попавіч, Міністр унутраных спраў Сербіі А.Вулін, намеснік Міністра замежных спраў Сербіі А.Тасіч, гендырэктар АА «Пошта Сербіі» З.Джорджэвіч (былы Міністр абароны), настаяцель храма Святога Савы, уладыка Стэфан (Шарыч) і настаяцель рускага праваслаўнага храма Святой Тройцы ў г.Белградзе Віталь Тарас’еў.
У мерапрыемстве таксама прынялі ўдзел прадстаўнікі ўрада, парламента Сербіі, дыпламатычнага корпуса, ганаровыя консулы Беларусі ў Сербіі і Паўночнай Македоніі, кіраўнікі грамадска-палітычных арганізацый, вядомыя дзеячы культуры, прадстаўнікі духавенства і дзелавых колаў.
У прывітальным слове Пасол Беларусі ў Сербіі В.Брылёў адзначыў традыцыйна дружалюбны характар адносін паміж Беларуссю і Сербіяй, значны патэнцыял для развіцця ўзаемавыгаднага супрацоўніцтва на розных напрамках. Выказаў упэўненасць у тым, што намаганнямі двух бакоў міждзяржаўны дыялог будзе ўмацоўвацца.
Прыём суправаджаўся праграмай з беларускіх музычных і песенных твораў, дэманстраваўся відэафільм пра Беларусь. Гасцям мерапрыемства былі прадстаўлены прыгатаваныя сіламі Пасольства стравы беларускай нацыянальнай кухні.
